Komıssııa kósheler men joldardy jınaıtyn eki iri merdigerlik uıymnyń – «Astana tazalyq» jáne «Astana Zelenstroı» AQ tehnıkalaryn kórip shyqty. Eki kompanııanyń da parki 400 mamandandyrylǵan tehnıkadan asady. Kompanııa basshylyǵy barlyq tehnıkanyń qysqy maýsymnyń bastalýyna daıyn ekenderin jetkizdi. Qyzmetkerler shtaty da jasaqtalǵan. Qar jaýǵan kúnderi kóshege Esil aýdany boıynsha 526 birlik tehnıka, Baıqońyr aýdanynda – 177, Saryarqa aýdanynda – 437, Almaty aýdanynda – 452 tehnıka shyǵýǵa daıyn.
Qazirgi tańda, qalanyń jańa kóshelerin esepke ala otyryp, marshrýt pen astana joldaryn tazalaýdyń rejımin qaıta qarastyrylýda. Ákimdik áleýmettik obektilerdiń kire beris joldary men kvartaldardyń ishki joldarynyń terrıtorııasyn, oǵan qosa úıler men aýlalardyń kire berisiniń joldarynyń tazalanýyna erekshe kóńil bólip otyr. Sebebi, Astana elimizdegi aýla alańdaryn PIK emes, aýdandyq ákimdik tazalaıtyn birden bir qalasy. Alda turǵan qysqy maýsymǵa «Astana tazalyq» qazirden 20 myń tekshe metr qumdy-tuzdy qospany daıyndap qoıdy (jýyq arada taǵy da 8 myń tekshe metri daıyndalady). Daıyn bolǵan reagent aýdannyń marshrýty boıynsha ázirlengen. Shyǵatyn tas joldarda jáne qatty qar jaýǵan kezde paıdalanylatyn arnaıy rotorlar da qysqy maýsymǵa daıyn.
Astana basshylyǵy qatysqan jıynda aýdan ákimderi, merdigerlik uıymdar, qalany sanıtarlyq tazalaýǵa kiriskender merdigerlik uıym ókilderiniń esebin jáne aýdan ákimderiniń qysqy maýsymǵa daıyndyǵy týraly tyńdady.
«Bizge tolyqtaı daıyn turý kerek, - dedi Astana ákimi Baqyt Sultanov. – Kommýnaldyq qyzmetter saǵat sııaqty jumys istep turýy kerek, qalalyqtar aýa raıynyń qolaısyzdyǵyna baılanysty joldarda jaısyzdyq sezinbeýi tıis». Budan basqa, B. Sultanov qalany sanıtarlyq tazalaýǵa kiristirilgen merdigerlik uıymdarmen kelisimshartty jańa formatqa aýystyrý týraly máseleni qaıta qaraýdy tapsyrdy (búginde olar naryqtyń 50 % quraıdy). Jıynǵa qatysqandar bir jyldyq kelisimsharttan «ketip» jáne «jınaý jumystarynyń túrlerine qaraı» kópjyldyq MJÁ-kelisimshartyn anyqtap, ózderine tıesili qalanyń ýchaskeleriniń tazalyǵyna tolyqtaı jaýapkershilikti kompanııa alatyndaı etýge ýádelesip tarasty.
Sonymen qatar, qala aýdandaryn iri ýchaskelerge bólý týraly usynys aıtyldy (sonyń bir ýchaskesi – MJÁ-kelisimsharty). Mundaı qadam bir ǵana kompanııanyń ózine qarasty aýdanǵa qyzmet kórsetýin qamtamasyz etýge múmkindik beredi. Kópjyldyq kelisimshart bızneske ınvestısııalyq senim beredi, ol tehnıkalyq bazany jańartýǵa jáne arnaıy transport parkin jańartýdyń múmkindigin qamtamasyz etedi. Atalǵan usynysty qalany sanıtarlyq tazalaýǵa kirisken kompanııa-merdigerler tolyqtaı qoldady.
